- Нийтлэлч: Д. Болор
Үнэнийг нууж болно гэхдээ үнэнийг хэзээ ч устган алга болгож болохгүй. Хэзээ нэгэн цагт үнэн хаа нэг газраас гарч ирнэ. Үнэнээс хүн хэзээ ч зугтаж чадахгүй гэдэг бол амьдралын үнэн. Өнөөдөр Монголын эрх баригчид үнэнд гүйцэгдэж байна. Монголд яагаад үнэнийг ярьдаггүй вэ? Улс төрчдийн үг, үйл хэргийнх нь араас “үнэн үү” хэмээн асуух хэрэгтэй биш үү. Бүгд л ам уралдан яриад л, үнэн яриад байгаа юм уу, худал яриад байгаа нь мэдэгдэхгүй. Үнэхээр үнэнийг яриад байна уу эсвэл худал зүйлийг үнэн мэт үнэмшилтэйгээр яриад байна уу гэдгийг ялгаж салгаж, ойлгох нь бидний амьдрал үйл хэрэгт тустай.
- Нийтлэлч: Д. Болор
Улс орны эдийн засаг, иргэдийн амьдрал цаашдаа хэрхэн хөтлөгдөх нь вэ гэдгийг шийдэх Оюутолгойн гэрээ, үйлдвэр цаашдаа хэрхэн ажиллах асуудал будлиантай байна. Энэ талаар саяхан Оюутолгойн хувь нийлүүлэгчдийн болон төлөөлөн удирдах зөвлөлийнхөн хуралдахдаа тодорхой шийдэлд хүрэх болов уу гэсэн хүлээлт байсан ч учир битүүлэг болж өнгөрлөө. “Рио Тинто”-гийн удирдлагуудын хувьд Оюутолгойг сорчилж ашиглах үзлийг илэрхийлэхийн хамтаар хөрөнгө оруулалтынхаа хэмжээг хоёр тэрбум ам.доллараар нэмснээр 7.1 тэрбум ам.долларт хүрлээ гэж мэдээлж байна. Энэ нь цаагуураа Монгол Улсад асар их эрсдлийг дагуулах талаар сэжиг төрүүлэн буйг ч эдийн засагчид онцолж буй юм.
- Нийтлэлч: Д. Болор
Ер нь монголчууд ном уншихгvй болсон байна. Өнөөгийн Японы нийгэмд тодорхой өндөр байр суурь эзэлсэн байгаа хvмvvс залуудаа өглөөнөөс vдэш болтол тасралтгvй ном уншиж байсан бөгөөд одоо ч япончууд маш их уншдаг. Яагаад ингэж уншдаг вэ? Өөрсдийн дотоод ертөнцийг сайжруулахын төлөө л тэр. Монголд өрнөсөн ардчиллын vйл явцыг Японы Мэйжигийн хувьсгалтай (1868 оны) зvйрлэн ярьж байсан. Монголыг Японтой зvйрлvvлээд дэмий байх аа. Тэрхvv Мэйжигийн хувьсгалын өмнө Англи, Францад очсон япон хvн байсан, тэд тэдгээр орны байдлыг гайхаж, улмаар манай Япон хурдан сурч боловсорч, хөгжих ёстой гэж бачимдан цухалдаж байсан гэдэг. Тэр бол жинхэнэ эх оронч сэтгэлгээ юм.
- Нийтлэлч: Д. Болор
Өнөөдөр улс төр нийгэм нь баян ядуугийн туйлд хуваагдаж арьсны өнгөөр гүн гүнзгий хуваагдсан, асар их өрөнд унаж санхүү, эдийн засаг нь ангалын ирмэг дээр дэнжигнэж байгаа АНУ цаашид дэлхий дахинд ганцаар ноёрхсоор байж чадах уу? Тэд энэ ноёрхлоо хадгалж байхын тулд бусад улс орнуудын ирээдүй болох залуу үед нь чиглэсэн ямар чивэлт бодлого үйл ажиллагааг явуулж ирсэн бэ? Өнөөдөр дэлхийн бусад бүх улс орнуудын батлан хамгаалах нэг жилийн төсвүүдийг нийлүүлснээс ч илүү их санхүүжилтийг асар их өр тавьж байгаад нэг жилд зарцуулж байгаа нь ердөө л ардчилал, чөлөөт зах зээл, хүний эрхээ түгээхэд чиглэсэн, бусад ард түмнүүдийг чөлөөлж эрх чөлөөтэй баян тансаг жаргаахын тулд гэж үү?!
- Нийтлэлч: Д. Болор
Панмонголист үзлийн өчүүхэн төдий илрэлийг хатуу буруушааж байсан тэр үед энэ нь гагцхүү Чойбалсаны толгой мэдэж хийх ажил биш байв. Гэтэл энэ асуудлыг хөндөж тавьснаар барахгүй, дэлхий дахинд зарлан мэдэгдсэн нь Сталин, Чойбалсан нар харилцан зөвшилцсөнтэй холбоотой юм. Монголын Ардын Хувьсгалт Цэрэг Японы эсрэг дайнд Хойд Хятад ба Манжуур дахь дайсны хуурай замын хүчийг таслан зааглаж, стратегийн зорилтоо ханган биелүүлэхэд оролцож байлдаж явсан юм. Түүнчлэн Өвөрмонголын олон түмнийг Японы дарлалаас чөлөөлөх ариун үүргээ ч нэр төртэй гүйцэтгэсэн байна.
- Нийтлэлч: Д. Болор
Зөвхөн Монголд л улстөр, эдийн засаг, хууль эрх зүй, шинжлэх ухааны наад захын мэдлэггүй жижиг гарын наймаачин, өөрийнхөө хар толгойноос өөрийг боддоггүй луйварчдыг дөрвөн жил болоод дахин сонгодог УИХ нэртэй үл бүтэх этгээдүүдийн бөөгнөрөл амь бөхтэй оршсоор байдаг. Дээд сургуулийн хуурамч дипломтой УИХ-ын зарим гишүүд хууль батлах үндсэн ажлаа өглөөнийхөө ирцээр бүртгүүлчихээд үдээс хойш нь ажлаа таслаад виски шимсэн шиг ээ, билльярд нүдэж явдаг гайхмаар жигтэй үзэгдлийг зөвхөн Монголд л харж болно. Зөвхөн Монголд л нэг муу жижиг гарын наймаачин, ТМС-ийн багш, гудамжны тэмцэгч Эрүүл мэндийн сайд гэгдэж, нийгмийн хамгийн чухал салбарыг толгойлсон болж явахыг үзэж болно.
- Нийтлэлч: Д. Болор
Одоо тодорхой түүхэн баримтуудыг сөхөж үзэцгээе. Жишээлбэл, Италийн аж үйлдвэрүүдийг үгүй хийж коммунистжуулах оролдлогыг нь авч үзье. 300-н Хороо ирээдүйд энэ дэлхий одоогийнхоос олон дахин цөөхөн хүн амтай, илүү сайн сайхан болох ёстой гэж аль эрт шийдэцгээсэн байна. Энэ бол тэдний тэр сайн сайхан дэлхийн гэгч гол үзэл санаа нь юм. Тэд олон тэрбум хүмүүсийг ямар ч ашиггүй идэх амнууд буюу байгалийн нөөц баялгийн эдгээр хэрэглэгчид гэж үзэж тэд эцсийн эцэст илүүчлэгдсэн, устгагдсан байх ёстой гэж үзэж байгаа ажээ. Аж үйлдвэржилтийн хөгжил дэвшил нь хүн амын их өсөлтийг бий болгож байдаг учир Оршихуйн Номонд заасан хүн ам үржин олшрох, газрыг боловсруулж амьдрах гэрээслэлийг өөрөөр авч үзэх хэрэгтэй болсон гэж тэд үзэж байна.
- Нийтлэлч: Д. Болор
2012 ОНЫ АРДЧИЛЛЫН ЧАНСААГ ГАРГАСАН БАЙНА
Австрийн "Democracy rating" байгууллага дэлхийн улс орнуудын ардчиллын чансаа 2012-ыг гаргасан байна.
Энэ үнэлгээг гаргахдаа тухайн улс орон дахь улстөрийн эрхүүд, иргэний эрхүүд, хэвлэл мэдээллийн эрх чөлөө, хуйвалдаан хээл хахуулийн түвшин, улстөрийн дотоод тогтвортой байдал ба хүйсүүдийн тэнцвэртэй байдал зэрэг үзүүлэлтүүдээр оноо өгч жагсаажээ.
- Нийтлэлч: Д. Болор
Дараагийн асуулт. Дараагийн эргэлзээ. Эздийн эсрэг сэтгүүлчдийн нэгдэл байж болох уу. Байлаа гэхэд хуулиар хэрхэн зохицуулах юм. Одоогийн байдлаар редакци бүр дээр үйлдвэрчний эвлэлийн салбар хороо байгуулах хэрэгтэй гэсэн санал яригдаж байгаа. Үүнийг хуульчлаагүй тохиолдолд бүтнэ гэдэг бэрх. Дээр нь Хэвлэлийн зөвлөл байгуулах замаар сэтгүүлчдийг өмгөөлөх, бас шийтгэх асуудлыг ажил хэрэг болгох тухай санаачилга бий. Тэгвэл би хувьдаа гэхэд хардаж байна. Тэр Хэвлэлийн зөвлөл хэний эрх ашгийг хамгаалах вэ гэдэгт. Өнөөдөр Монголд сэтгүүл зүйн чиглэлээр чамгүй олон холбоод бий. Тэнд хэн байдаг вэ гэхээр эзэд л байдаг. Жирийн нэг сэтгүүлчид тэр холбоодын Удирдах зөвлөлд орж, шийдвэр гаргах эрхтэй болно гэвэл түүн шиг үлгэр байхгүй.
- Нийтлэлч: Д. Болор
АНУ-ын ерөнхийлөгчийн өнгөрсөн сонгууль(2012.11.06-07)-ийн дараа 15 штатын оршин суугч иргэд өөрсдийн штатуудыг АНУ-аас бүрэлдэхүүнээс гаргах тухай хүсэлтээ албан ёсоор гаргалаа гэж Red Alert Politic онлайн сэтгүүлийн тоймч Регина Конли өнгөрсөн хагас сайн өдөр, 2012 оны 11-р сарын 11-нд мэдээлсэн байна. Түүний бичиж байгаагаар тэр үед Луизиана, Техас, Кентукки, Колорадо ба Нью-Джерсийн оршин суугчид Цагаан ордны иргэдийн хүсэлт хүлээн авах сайтны "We the People" хуудсанд энэхүү салан тусгаарлах хүсэлтээ албан ёсоор гаргасан байсан байна.
- Нийтлэлч: Д. Болор
Боловсрол мэдлэгийн хувьд юмны цаад нарийн учир шалтгааныг ойлгон ухаарааагүй, мөн сэтгэцийн хувьд сайн төлөвшөөгүй идэр залуухан оюутан Натаниел Брэндон-д 1951 оны үед АНУ-д газар сайгүй ухуулж сурталчилж байсан Айн Рэндийн “амин хувиа бодох, ашигтай бэртэгчин үзэл санаа” гэгч нь ганцаардмал түүний хувьд “нэг ашигтай гарц” мэт санагдаж эхэлдэг. Тэгээд тэрбээр найз бүсгүй Барбарагаа дагуулан Айн Рэндтэй очиж танилцан тэр хоёр тэнд бүүр "тархиа угаалган" шүтэн бишрэгчид нь болж хувирдаг. Удалгүй бусдын нөлөөнд амархан автамтгай Натаниел, харин гэр бүлийн сайн хүмүүжил ба цэвэр ёс суртахуун, дэг журамтай бүсгүй Барбара хоёр хуримаа хийж гэр бүл болцгоодог...
- Нийтлэлч: Д. Болор
Яг одоо дэлхийн хэвлэл мэдээллүүдээр АНУ-ын тусгай албаны ажилтан асан Эдуард Сноудены хийсэн "Америкийн тусгай албад дэлхийн бүх хүмүүсийн емайл захидал харилцаа, нийгмийн сүлжээнүүдийг байнга далдаас тагнаж хянаж хүмүүсийн хувийн мэдээлэл харьцааны эрхийг зөрчиж байдаг" гэсэн мэдэгдлийн талаар ид шуугиж олон орны улстөрчид, нийгмийн зүтгэлтнүүд мөн жирийн олон хүмүүс үүнд гүнзгий эгдүүцэл зэвүүцлээ илэрхийлж байна... Уг нь энэ киног Зөвлөлтийн тухай, социализмын тухай кино гэж ухуулж сурталчилж байсан хэдий ч энэ бол Барууны амьдралын бодит байдал ба ойрын ирээдүйг зөгнөсөн, тэнд өсөж төрсөн мөн хэзээ ч соц/оронд очиж үзээгүй хүн бичсэн алдарт бүтээл билээ...